Meryl Streep nuk ka për të veshur Channel në tapet të kuq.
Kjo për shkak të një përplasjeje që ajo dhe stilisti i Chanel, Karl Lagerfeld, kanë pasur së fundmi.
Stilisti u shpreh se menjëherë ai kishte bërë skicën dhe puna kishte nisur për krijimin e fustanit. Por, siç rrëfen stilisti, vetëm pak ditë më vonë, një person nga ekipi i Streep ka telefonuar atelienë franceze dhe i ka komunikuar që ata mund ta ndalonin punën me fustanin, pasi kishin gjetur një tjetër stilist që është i gatshëm ta paguajë aktoren për ta veshur në ceremoninë prestigjioze.
“Pasi ne i falim asaj një fustan prej 100 mijë eurosh, mësojmë më vonë se duhet edhe ta paguajmë që ta veshë. Ne u japim fustane, ne u bëjmë fustane, por ne nuk paguajmë!”- u shpreh stilisti legjendar duke e cilësuar Meryl Streep një aktore gjeniale, së cilës nuk i shkon për shtat të qenurit “e lirë”. Sakaq, një përfaqësues i aktores reagoi duke thënë se është kundër etikës së saj personale që të paguhet për të veshur një fustan.
