Është folur shumë në media, portale dhe rrjete sociale për nisjen e edicionit të ri të “Big Brother”, duke qenë se ky emision vjen pas një viti shkëputje nga ekrani.
Janë zbuluar detaje, si dhe fakti që edicioni i ri do të fillojë në mars me risi dhe formulë të re.
U fol gjithashtu se opinionisti Arian Konomi, i cili ka qenë shumë herë pjesë e këtij emisioni, këtë herë do të ishte kryeredaktor dhe autor i programit. Mirëpo gjërat duket se kanë ndryshuar dhe ky i fundit është larguar nga stafi dhe nuk ka dashur të tregojë arsyet se pse e ka ndërmarrë këtë veprim.
Ndërkohë që nuk dimë shkaqet, stafi i “Big Brother” duhet të gjejë shpejt një zëvendësues, sepse data e fillimit të “Big Brother Albania” po afron.
