Një 69-vjeçar nga fshati Shalës është rrëzuar teksa po kulloste bagëtitë në mal. I plagosuri është Ismet Domeri, 69 vjeç nga fshati Shalës. Ai është transportuar fillimisht në spitalin e Sarandës, por për shkak të plagëve të rënda është transportuar me helikopter drejt Spitalit të Traumës në Tiranë.
Dyshohet se i moshuari ka humbur ekulibrin për shkak të temperaturave të larta në zonë dhe është rrëzuar në një terren të vështirë.
Ai është gjetur nga persona që ndodheshin në zonë, të cilët kanë njoftuar shërbimet e emergjencës. Aktualisht ai ndodhet në Spiatlin e Traumës, ku dhe po merr ndihmën e specializuar mjeksore.
