Numrat personalë të telefonave celularë të 3 ministrave të qeverisë së Mbretërisë së Bashkuar, përfshirë Sekretarin e Mbrojtjes Wes Streeting janë gjetur të publikuar në internet së bashku me emrat e tyre.
Zbulimi vjen pasi POLITICO raportoi se Kryeministri Andy Burnham ra viktimë e një mashtrimi me mesazhe. Ai kishte shkëmbyer mesazhe me një person të panjohur që ishte prezantuar si Susie Wiles, shefja e stafit të Shtëpisë së Bardhë të Donald Trump. Burnham e kishte kuptuar se kontakti ishte i paligjshëm dhe i kishte dhënë fund bisedës.
Pasi kontrolloi një listë të anëtarëve të kabinetit, POLITICO tha se gjeti të publikuar në internet, edhe numrat e Sekretarit të Drejtësisë Alex Norris dhe Sekretarit të Irlandës së Veriut Chris Bryant. POLITICO tha se nuk mund të tregonte se ku mund të gjenden numrat për të shmangur rrezikimin e mëtejshëm të sigurisë.
Të tre ministrat nuk pranuan të komentonin mbi të dhënat. Autoritetet kanë hequr numrin e sekretarit të Mbrojtjes dhe po punojnë për të fshirë edhe dy të tjerët.
Ministrave u jepen pajisje të sigurta qeveritare për të kryer punë për detyrat e tyre, veçanërisht për role me rrezik të lartë si mbrojtja. Ndaj ata të përdorin këto pajisje për komunikime jo-personale.
Downing Street nuk komentoi mbi lajmin se Burnham shkëmbeu mesazhe me një person të panjohur, duke përmendur "sigurinë kombëtare".
Një person i informuar mbi komunikimet tha se u shkëmbyen “disa mesazhe” pasi kryeministri hyri zyrën e tij, por këmbënguli se ato “nuk kishin rëndësi”. Nuk është e qartë se si mashtruesi e gjeti numrin e Burnham. POLITICO nuk mundi ta gjente të botuar në internet.
Zyrtarët britanikë fillimisht patën frikë se telefoni i Wiles ishte hakuar, por një zyrtar i Shtëpisë së Bardhë tha: “Ky incident nuk kishte të bënte fare me hakimin e pajisjeve të Shefes së Shtabit.”
Nuk është e qartë nëse Burnham do ta ndryshojë numrin e tij të telefonit. ©Përgatiti LAPSI.al
