Profesori i njohur amerikan i ekonomisë, Steve Hanke, ka bërë një reagim për protestat në Shqipëri. Sipas tij mijëra qytetarë kanë dalë në rrugët e Tiranës për të 37-ën ditë radhazi.
Në një postim në rrjetin social X, shoqëruar me një video të protestës nga ‘News24’, profesori i ekonomisë së aplikuar në universitetin "Johns Hopkins" shkruan se për të 37-n ditë me radhë mijëra shqiptarë kanë dalë në rrugët e Tiranës për të protestuar.
"Për të 37-n ditë, mijëra shqiptarë protestojnë në rrugët e Tiranës. Ata protestojnë kundër projekteve të mbështetura nga kryeministri Rama. Ka ardhur koha që kryeministri Rama të marrë derën e daljes. Revolucioni i Flamingove ka marrë hov", - shkruan Hanke.
Hanke është një nga ekspertët më të njohur në fushën e politikave monetare dhe inflacionit. 83-vjeçari ka qenë këshilltar ekonomik në administratën e ish-presidentit Ronald Reagan dhe ka këshilluar qeveri të ndryshme për reforma ekonomike, përfshirë edhe Shqipërinë në fillim të viteve 1990. /LAPSI.al
For the 37th DAY, THOUSANDS of Albanians PROTEST in the streets of Tirana. They protest Trump's son-in-law Jared Kushner’s project, which is backed by PM Rama.
— Steve Hanke (@steve_hanke) July 7, 2026
IT'S TIME FOR PM RAMA TO TAKE THE EXIT DOOR.
THE FLAMINGO REVOLUTION HAS LEGS.#Albania #FlamingoRevolution…
