Revolta popullore, që prej javësh kërkon largimin e qeverisë dhe dorëheqjen pa negociueshme e kryeministrit Edi Rama, ka hyrë sot në ditën e 47. Ndërkohë që sot mbahet në Kuvend seanca e radhës plenare, ajo që vihet re është që në oborrin para Parlamentit, janë vendosur forca të shumta policore dhe autobote me ujë. Në zonë nuk ka asnjë protestues.
Masat janë marrë duke pasur parasysh që në një nga seancat e shkuara para Kuvendit u mbajt një protestë, me qytetarët që kërkonin largimin e qeverisë. Gjatë tubimit pati edhe përplasje mes tyre dhe policisë. Forcat blu ushtruan dhunë, spraj lotsjellës dhe arrestuan 19 protestues, të cilët më pas u liruan nga gjykata.
