Eurodeputetja gjermane Terry Reintke ka kritikuar heshtjen e institucioneve europiane përballë protestave që po zhvillohen prej më shumë se 130 ditësh në Shqipëri.
Ajo e cilësoi si të papranueshme që presidentja e Komisionit Europian Ursula von der Leyen vizitooi vendin pa e trajtuar këtë çështje.
Në reagimin e saj, Reintke, pjesë e grupit "Të gjelbrit', thekson se miliona njerëz jashtë Bashkimit Europian po luftojnë për vlerat europiane, kundër korrupsionit dhe për një të ardhme më të mirë.
Sipas saj, Shqipëria është një shembull i kësaj përpjekjeje dhe BE-ja nuk mund të qëndrojë në heshtje përballë qytetarëve që rrezikojnë gjithçka për të mbrojtur këto vlera.
“Heshtja nuk është një alternativë. BE-ja duhet të zgjerohet, por duhet edhe të mbrojë vlerat e vërteta europiane kudo që njerëzit rrezikojnë gjithçka për t'i mbrojtur ato”, shkruan Reintke në postimin e saj. /LAPSI.al
