Është arrestuar një person i dyshuar për kërcënimin ndaj ish-kryeministrit të Kosovës Ramush Haradinaj.
Lajmin për arrestimin e jep Klan Kosova që e ka konfirmuar nga Flora Ahmeti, zëdhënëse e policisë për rajonin e Prishtinës.
”I dyshuari është prangosur nga Njësiti i Hetimeve të Përgjithshme të Drejtorisë Rajonale të Policisë në Prishtinë. Ndaj tij do të nisë procedura në bashkëpunim me Prokurorin e Shtetit”, - deklaroi Ahmeti.
I dyshuari që ra në duart e policisë është Skender Llugiqi. Gjatë një vizite në Kuvendin e Kosovës ai kishte bërë thirrje "për pushkatimin e Ramush Haradinajt".
“Nëse Radojçiqi duhet me u dënu me 20 vjet, Ramushi duhet me 40-50-100 vjet”, deklaroi ai. /LAPSI.al
