Kryetari i Partisë Demokratike Sali Berisha vizitoi në spital deputetin Bledion Nallbati që u godit nga forcat e policisë gjatë protestës së të martës. Berisha tha se Nallbati ka një hematomë në indet e buta dhe sipas protokollit të spitalit do të qëndrojë në observim për një kohë të caktuar për të parë nëse do ketë pasoja të tjera nga goditja.
Berisha tha se e dinte edhe kush e kishte dhënë urdhrin për dhunimin e deputetit duke akuzuar kreun e policisë së Tiranës.
“Mësohet se urdhërdhënësi është krimineli i damkosur Sokol Bizhga, njëri nga figurat më të urryera dhe kriminelët më të damkosur me uniformë në Republikën e Shqipërisë. E garantoj Sokol Bizhgën, i cili e goditi deputetin me urdhër të, me urdhër të Edi Ramës, se do ketë përgjegjësi gjer ditën e fundit të tij. Ky akt i shëmtuar.
Sokol Bizhga është njeriu që i kanë djegur kolegun në makinë dhe ia ka mbathur kur banditët në Sarandë kanë djegur Genc Memetin. Ky është i pafytyri Sokol Bizhga që duhet të ishte dekada në burg dhe tani komandon policinë. Një hero, një guximtar i vërtetë u dogj nga bandat në makinë dhe Sokol Bizhga shpëtoi. Ja, ky është Sokol Bizhga që e mban Edi Rama.
E ka apo s'e ka gjë atë Valin gjë nuk e di, se s'mund të them se mund të mos jenë gjë, mund të jetë koincidencë mbiemra. Por, por, Sokol Bizhga është krimineli që ka zbatuar sot urdhrin e Edi Ramës. Është goditur” – tha Berisha.
Berisha shprehu mbështetje dhe keqardhje për operatorin e News24 që u lëndua në protestë, por sipas tij flaka ka ardhur nga ana e policisë dhe jo nga ana e protestuesve.
“Dhe unë e garantoj këtë bandit, e garantoj se do jetë përgjegjës për ditën, për, për dhunën, për dhunën shtazore, kafshërore të përdorur ndaj protestuesve” – tha Berisha. ©LAPSI.al
