Ish-ylli i skuadrës angleze të West Ham, Dimitri Payet është akuzuar se ka ushtruar "torturë psikologjike" për 12 orë ndaj ish-të dashurës së tij dhe se ishte mburrur se kishte fjetur me 300 gra. Larissa Ferrari pretendon se ai përdori pushtetin dhe statusin e tij për ta "bllokuar" atë në një marrëdhënie të dhunshme dhe abuzive.
Ajo pretendon se ai e kontrollonte me anë të "lojërave mendore" dhe e bëri atë të mendonte vetëvrasjen. Ish-lojtari i kombëtares franceze, sot 38 vjeç akuzohet se e ka detyruar atë të kryejë akte degraduese.
Avokatja braziliane 29-vjeçare, pretendon se Payet e la të mbuluar me mavijosje pas seksit dhe se përdori "ndëshkime" për të kontrolluar çdo lëvizje të saj. Ajo thotë se Payet e quante atë "të pavlerë" pasi ai kishte fjetur me qindra gra të tjera.
Ajo gjithashtu pretendon se ai e mbante nën kontroll duke pretenduar se kishte lidhje me mafian dhe se ajo mbeti shtatzënë prej tij, por më vonë pësoi abort.
Payet i ka mohuar me forcë akuzat.
Larissa rrëfeu se u takua me Payet përmes Instagram në gusht 2023 para se të takohej me të personalisht. Ajo e dinte që babai i 4 fëmijëve me gruan e tij Ludivine, ishte i martuar, por thotë se dashuria e tyre ishte "e ëmbël" në fillim.
Megjithatë, ajo thotë se shpejt u shndërrua në një "lojë makabre". Ajo pretendon se momenti më i keq ishte një gjysmë dite agonie në janar 2025, ku ndjeu se duhej të kryente akte "poshtëruese" para kamerave për ta ndaluar atë.
Në prill të vitit të kaluar, “The Sun” zbuloi se Larissa e kishte denoncuar Payet te policia në Brazil. Payet qëndroi 18 muaj me West Ham përpara se Olympique Marseille të paguante 25 milionë paund për të në vitin 2017. Ai u transferua në Rio në vitin 2023 pasi nënshkroi për Vasco da Gama, e cila e liroi verën e kaluar. Përfaqësuesit e tij u kontaktuan për një koment. ©LAPSI.al
