Gjykata e posaçme dënoi me 4 vite burg ish-kryeprokurorin e Vlorës Aurel Zarka. Për shkak të gjykimit të shkurtuar u dënua përfundimisht me 2.8 vite burg. Në të njëjtën kohë Zarkës iu hoq e drejta që për 5 vitet e ardhshme të mos ushtrojë asnjë funksion publik.
SPAK kërkoi shpalljen fajtor të tij për akuzat: “Ushtrimi i ndikimit të paligjshëm ndaj personave që ushtrojnë funksione publike”, e kryer tre herë, e kryer në bashkëpunim dy herë, “korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim, “korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.
