Kreu i Komisionit Qendror të Zgjedhjeve, Ilirjan Celibashi ka ushtruar të drejtën e tij të votës dhe në një prononimcim për mediat u ka bërë thirrje qyterarve që nuk kanë votuar që të dalin e të votojnë. Ai u shpreh se kushdo që shkel ligjin do të vihet para përgjegjësisë nga institucionet përkatëse.
"Mesazhi është i qartë për ata që ende nuk kanë votuar. Ata që janë në idenë që angazhimi i tyre mund të kontribuojë tej votës në proces, do të marrin përgjigje nga institucione përkatëse. Shumë e rëndësishme që jo vetëm politikanë por edhe qytetarët të kuptojnë që kanë përgjegjësi në lidhje me procesin zgjedhor. Minimumi i dënimit është 3 vite dhe ky është një mesazh i qartë për të gjithë, është e rëndësishme që jo vetëm politikanët, por edhe votuesit të kuptojnë se kanë përgjegjësi në raport me procesin zgjedhor", tha Celibashi.
Ndërkaq raportohet se pjesëmarrja deri në orën 14:00 ka qenë 29.53% nga 2276 qendra votimi që kanë çuar informacionin në KQZ.
