Lamtumirë Europë. Tirana del nga Kupa e Shqipërisë që në fazën e 1/8 i eliminuar nga Bylis. Për bardheblutë, në zonën e rënies nga kategoria, një tjetër humbje penalizuese, kundër një rivali që shfrytëzoi kohët shtesë për të kaluar në çerekfinale 1-2. Avancon pa probleme Laç, që mposhti 3-1 Kukësin.
Dede merr një tjetër rezultat impresionues, pas fitores në kampionat me Dinamon. Ballshiotët ia dolën të fitojnë me përmbysje, pasi fillimisht koha e rregullt kishte përfunduar 1-1. Ruçi i dha kualifikimin Bylis me golin në minutën e 113-të. Tirana zhbllokoi takimin në minutën e 10' me Ernest. Goli i parë me fanellën bardheblu për nigerianin, por që nuk mjaftoi. Mallakastriotët barazuan shumë shpejt e në minutën e 22' Marku ekuilibroi shifrat.
Lexo më tej: Kupa e Shqipërisë, dëbora bllokon takimin në Korçë: sfidat e 1/8-ave luhen në dy ditë
Skuadrat patën raste të shumta për gola të tjerë, por u deshën kohët shtesë për të vendosur. Në minutën e 113' Ruçi shënoi golin që kualifikon në çerekfinale të besuarit e Dedes dhe nxjerr jashtë Tiranën.
[video width="640" height="302" mp4="https://cdnimpuls.com/lapsi.al/wp-content/uploads/2025/01/678661f2e571e-1.mp4"][/video]
[video width="480" height="226" mp4="https://cdnimpuls.com/lapsi.al/wp-content/uploads/2025/01/6786745297ff7-1.mp4"][/video]
LAÇI, TRIS GOLASH PËR NJË VEND NË ÇEREKFINALE
Laçi ka mposhtur Kukësin me rezultatin 3-1, duke triumfuar me përmbysje dhe duke siguruar kualifikimin në çerekfinalen e Kupës së Shqipërisë. Edhe pse luanin në transfertë, miqtë zhbllokuan ndeshjen me golin e Fadiga në minutën e 20'. Kukësi u mundua të kontrollojë, por avantazhi i tyre zgjati deri në shtesën e pjesës së parë. Tresa barazoi rezultatin ndërsa Bullari, me një dygolësh, përmbysi rezultatin, duke kaluar bardhezinjtë në çerekfinale. Për tu shënuar, incidenti që i ndodhi në pjesën e parë, portierit të kurbinasve, Molla, që u transportua me ambulancë në spital për shkak të një dëmtimi.
[video width="760" height="360" mp4="https://cdnimpuls.com/lapsi.al/wp-content/uploads/2025/01/67866332d0d0b-1.mp4"][/video]
[video width="480" height="226" mp4="https://cdnimpuls.com/lapsi.al/wp-content/uploads/2025/01/67866344b0510-1.mp4"][/video]
[video width="760" height="360" mp4="https://cdnimpuls.com/lapsi.al/wp-content/uploads/2025/01/6786633b86801.mp4"][/video]
