Emmanuel Ernest është sulmuesi i ri i Tiranës. Liberiani vjen të përforcojë një repart problematik te bardheblutë e deri këtu nuk ka asgjë të çuditshme. Çështja është se Tirana e ka ende merkaton e bllikuar dhe nuk mund të bëjë asnjë afrim në tre dritaret e ardhshme të merkatos, të paktën jo pa paguar detyrimet.
Në këtë pikë, ardhja e 24 vjeçarit që në Zvicër nuk la dot gjurmë me Arnau, por në kampionatin e Qipros veriore me Cetinkaya TSK spikati me 29 gola e 7 assist në sezonin 2023-24, duket lëvizja e duhur, nëse nuk do të kishte një problem. Merkato e Tiranës është ende e bllokuar, e konfirmuar kjo edhe nga Federata Shqiptare e Futbollit. E megjithatë, bardheblutë e kanë prezantuar si përforcimin e parë të janarit, në një situatë krejtësisht paradoksale.
Tirana duhet të shlyeje detyrimet e 6 lojtarëve: Bekaj, Latifi, Lushkja, Hasani, Meta e Tola, por ndërkohë, përkundër vendimit për ta penalizuar, po bën merkato. I vetmi skenar që bëhet logjik është se Tirana ka gjetur burimet për të zhbllokuar merkaton dhe kërkon të jetë e përgatitur kur të kryejë transaksionet financiare.
POSTIMI I KLUBIT
Klubi i Futbollit Tirana njoftoj afrimin e lojtarit Emmanuel Ernest. Sulmuesi do të vishet bardheblu për dy sezone. 24 vjeçari i është bashkuar sot ekipit në seancën stërvitore
