Linda Rama, bashkëshortja e kryeministrit Edi Rama dha një intervistë mbrëmjen e së mërkurës në emisionin “Opinion”. Nisur nga fakti që ajo ka shkruar parathënien e librit të Kamala Harris, ajo u pyet nëse kishte një “të preferuar në garën mes saj dhe Donald Trump.
Edhe pse bëri shumë elozhe për kandidaten demokrate ajo nuk pati guximin të thoshte se kë donte që të fitonte.
“Zgjedhjet në Amerikë i ndjek me kërshëri të madhe sepse mendoj se Amerika teston veten në zgjedhje, duke i folur botës. Nuk jam për t’i dhënë Edit… nuk jam e punësuara e Edit. Këshillimi është moment institucional. Unë mendoj që edhe atëherë e kam parë saktësisht njësoj çështjen e zgjedhjeve personalisht në Shtetet e Bashkuara të Amerikës” – tha Linda Rama.
LEXO EDHE: Rama në CNN: Trump, kërcënim! Gazetari: Kujdes po flisni për zgjedhjet e një vendi tjetër (VIDEO)
Çfarë ka thënë Rama në CNN kundër Donald Trump (Video)
Gjatë fushatës elektorale për zgjedhjet amerikane, në 2016-ën Rama tha në një intervistë për CNN se Trump ishte kërcënim për botën. Me fitoren e Trump u justifikua se deklarata ishte për një kandidat. ©LAPSI.al
