Një 50-vjeçar shqiptar u plagos rëndë nga një sulm me thikë pasditen e kësaj të marte në lagjen periferike Varkiza në jug të Athinës.
Mediat greke shkruan se ngjarja ka ndodhur në kryqëzimin e rrugëve "Boreadon" dhe "Mouson" ku raportohet se viktima është goditur me thikë 4 herë pas shpine.
Sipas të njëjtave raportime, sulmuesit ishin gjithsej 4 persona, 2 në një makinë dhe 2 me një motoçikletë. Ata iu afruan viktimës dhe nisën menjëherë ta sulmonin.
Burri u dërgua në spitalin "Asklipieio" në Vula për trajtim. Autoritetet po hetojnë ngjarjen, por nuk janë dhënë detaje të tjera. ©LAPSI.al
