“Malena” ka njoftuar tërheqjen e saj nga bota e filmave me pullë të kuqe. Aktorja e njohur italiane e filmave për të rritur u bë fillimisht e njohur si politikane. Filomena Mastromarino u angazhua për disa vite në radhët e Partisë Demokratike.
Në 2016-ën, në moshën 30-vjeçare vendosi t’u përkushtohet filmave për të rritur duke kërkuar një provim me Rocco Siffredi. Por tashmë ka 2 vjet që është tërhequr nga kjo industri. Në një rrëfim për gazetën “Il Giornale” ajo tha se i hyri kësaj rruge si një formë “rebelimi", por tashmë e konsideron gabim.
"Unë besoj se pornografia ishte një gabim dhe jam e sigurt që e kam paguar tashmë. Duhet të mendoja më shumë. U rrëmbeva nga loja. E lëndova veten si grua". Ajo rrëfeu edhe pse zgjodhi pornografinë.
“Kisha një marrëdhënie me një burrë, gruaja e të cilit nuk isha zyrtarisht, isha ajo tjetra. Kështu që në kokën time mendova: “Meqenëse nuk mund të jem e jotja, do t'i përkas të tjerëve”. Që nga ai moment, pornografia hyri në jetën time. Ai kurrë nuk u tha prindërve të tij: "E morën vesh nga TV".
Tani ka ardhur vendimi për t'i thënë lamtumirë pornografisë: "Nuk më pëlqente më ajo që po ndodhte rreth pornografisë. E gjitha ishte bërë një ekzagjerim. Nuk ishte më ves, por një mëkat dhe u ndjeva përgjegjëse. Çdo mashkull me shihte gjithmonë si Malena, jo si Filomena. E donin Malenen si seks simbol dhe pa seks ishte sikur të isha asgjë” – tha ajo. ©LAPSI.al
