Ndeshja mes Union Berlin dhe Bochum u karakterizua nga një incident i shëmtuar. Në minutat e fundit, portieri i ekipit mysafir, Patrick Drewes, u godit në kokë nga një çakmak i hedhur nga tribuna. Situata detyroi arbitrin të ndërpriste ndeshjen pasi portieri mori kujdesin e nevojshëm mjekësor dhe më pas u dërgua në spital. Ndeshja rifilloi pas një kohe të gjatë, me të dyja skuadrat që vendosën të mos luanin agresivisht, duke e lënë kohën të kalonte pa incidente të tjera.
Çfarë ndodhi me portierin e Bochum, i goditur nga tifozët e Union Berlin?
Incidenti ndodhi në minutat shtesë, kur Bochum po luante me 10 lojtarë pas një kartoni të kuq. Një objekt, konkretisht një çakmak, i hedhur nga tifozët vendas, goditi në kokë portierin Drewes. Ai e mori çakmakun dhe ia dorëzoi arbitrit, ndërsa personeli mjekësor erdhi për ta ndihmuar. I tronditur dhe pak i çorientuar, Drewes u shoqërua jashtë fushës nga dy punonjës dhe më pas u transportua në spitalin më të afërt për ekzaminime. Fatmirësisht, gjendja e tij nuk rezultoi të ishte serioze, por me lëndime në kokë është gjithmonë më mirë të veprohet me kujdes.
Union Berlini-Bochum ndërpritet për 28 minuta
Pas një ndërprerjeje prej 28 minutash të urdhëruar nga arbitri, të dy skuadrat u kthyen në fushë për të përfunduar ndeshjen. Bochum, që kishte mbaruar zëvendësimet, u detyrua të luante me vetëm nëntë lojtarë, me sulmuesin Honfmann në portë. Union Berlin, megjithëse kishte epërsi numerike të dyfishtë, vendosi të mos ushtronte presion dhe të mos përfitonte nga situata. Dy skuadrat kaluan kohën e mbetur duke qarkulluar topin, dhe ndeshja përfundoi në barazim. Ky vendim i Unionit ndoshta erdhi me shpresën që komisioni disiplinor të mos merrte masa të ashpra pas incidentit që ndodhi me portierin.
Portieri i Bochum tregon çakmakun dhe reagimet pas incidentit
Autori i hedhjes së çakmakut u identifikua nga stjuardët dhe iu dorëzua policisë. Ndërkohë, klubi i Bochum ka bërë të ditur se do t’i drejtohet organeve disiplinore të futbollit për të kërkuar një fitore në tavolinë. Megjithatë, arbitri ka sqaruar se kapitenët e të dy skuadrave ranë dakord për të përfunduar ndeshjen, gjë që mund të shuajë shpresat e Bochumit për një rezultat 0-2 në tavolinë.
Kreu i arbitrazhit, Knut Kircher, deklaroi për BILD: “Arbitri qëndroi i qetë, përfshiu të gjithë përgjegjësit dhe reagoi në mënyrën e duhur.”
