SPAK ka lënë në detyrim paraqitje dy gazetarë ditën e sotme, Elton Qynon dhe Artan Hoxhën për marrëdhëniet që kanë krijuar me disa anëtarë të bandave kriminale, për të cilët kanë raportuar në media. Ende është e paqartë se çfarë ka gjetur SPAK nga bisedat Sky ECC, por në një konferencë për mediat, Sali Berisha ka mbrojtur gazetarin e Oraneës Elton Qyno dhe ka sulmuar gazetarin Artan Hoxha.
"Dënoj me forcën më të madhe vendosjen e masave kufizuese ndaj gazetarit guximtar Elton Qyno I cili në një shërbim të madh ndaj vendit ka demaskuar me guximin më të madh lidhjet e edi ramës me krimin.
Rrëmbimi i tij nga altin dumani është një nga ngjarjet më dramatike në historinë e Shqipërisë. Grabitja e telefonit të tij për të shpëtuar Edi Ramën nga dokumenta që e kompromentojnë atë në mënyrën më serioze, duke filluar nga udhëtimi I tij në Aruba, tek dhuratat etj etj përbëjnë një akt criminal të vërtetë në mbrojtje të Edi Ramës.
Kërkoj heqjen e menjëhershme të masës ndaj gazetarit Elton Qyno sikundër i shpreh solidaritetin e Partisë Demokratike. Ata që vendosën këto masa tentojnë të mbyllin kanalet e transparencës së mediave. Vendosja e masave njëkohësisht ndaj gazetarit guximtar dhe trim Elton Qyno me Artan Hoxhën, antar i damkosur i bandës së Bajrit të partisë, i paguar nga bandat, por I mbrojtur nga Altin Dumani gjer së fundmi u detyrua të vendosë një masë arrest shtëpie, ndërkohë që informoi publikun se dokumenta zyratre informmojnë se Artan Hoxha shkelmoi detyrën e gazetarit dhe u bë anëtar aktiv i bandës Bajri-Gjoka. Nuk kanë asnjë lidhje këta dy gazetarë me njëri tjetrin. Lidhja qëndron në poshtërsinë e Altin Dumanit që kërkon t’i paraqesë të inkriminuar së bashku" tha Berisha.
Arrestohet gazetari Artan Hoxha, detyrim paraqitje dhe për Elton Qynon
Më herët SPAK, ka bastisur shtëpinë e gazetarit Elton Qyno për shkak se ky kishte siguruar të plota përgjimet e dosjes së Elbasanit në SKY ECC. Këto përgjime përfshinin disa prej emrave më të njohur të krimit në Elbasan, nga përplasjet e të cilëve pati disa të vrarë.
SPAK i akuzon dy gazetarët si pjesë të bandave kriminale, megjithatë faktet konkrete që prokurorët pretendojnë se kanë kundër tyre, mbeten për t'u parë. Me punën e tyre, Hoxha dhe Qyno i kanë vënë shpeshherë në vështirësi prokurorët për faktet që kanë publikuar në media.
