Një turist australian rezulton se është zhdukur gjatë një udhëtimi në luginën e Valbonës në Tropojë. Pasaporta dhe sendet e tij janë gjetura në bujtinën ku kishte qëndruar, ndërsa Cameron Tëiss, 28 vjeç, nga Adelaide, u pa për herë të fundit pesë javë e gjysmë më parë, kur u nis për një shëtitje nga fshati Valbonë.
Mediat australiane kanë disa ditë që raportojnë për zhdukjene tij ndërsa sot ka britanikja “Daily Mail” shkruan se autoritetet shqiptare kanë nisur përpjekjet e kërkimit dhe vëllai i tij ka udhëtuar në Shqipëri, për t'i ndihmuar ata.
Hetimet e deritanishme tregojnë se turisti 28-vjeçar ishte nisur në një shteg të njohur ecjeje që lidh Valbonën, me fshatin e afërt Theth, më 13 tetor, territor ky i njohur për vështirësinë dhe rrezikshmërinë e tij nëse nuk ke një guidë të mirë shoqëruese.
Udhëtimi 10-orësh ndjek një rrugë 17 km që përfshin një kalim malor, përmes një zone të largët të Alpeve Shqiptare ku nuk ka rrugë.
Rekomandohet të kesh një udhërrëfyes lokal, por sipas autoriteteve që u referohet edhe gazeta britanike, Tëiss ishte larguar vetëm.
Shërbimi i Kërkimit të Shpëtimit Malor të Kosovës dhe Shërbimi i Kërkimit të Shpëtimit Malor të Shqipërisë kanë kryer një kërkim në këmbë dhe me dron.
Përditësimi i fundit i disponueshëm publikisht ishte më 2 nëntor, i cili tha se kërkimi ishte pezulluar në pritje të informacioneve të mëtejshme.
