Duke buzëqeshur dhe krenar, Donald Trump iu drejtua mbështetësve të tij duke deklaruar ende pa u shpallur fitorja zyrtarisht: “Një fitore për të gjithë amerikanët. Do ta bëjmë këtë komb të madh përsëri.” Edhe pse fitorja elektorale nuk ishte ende zyrtarizuar, ai shprehu mirënjohje për mbështetësit: “Dua t’ju falënderoj shumë, kemi mijëra miq këtu me ne, ka qenë një lëvizje e jashtëzakonshme.”
Trump deklaroi se lëvizja e tyre përfaqëson një nga më të mëdhatë në historinë amerikane, duke shtuar se hapi i ardhshëm do të jetë çuarja e vendit “në një nivel tjetër të rëndësisë” dhe ndihma për të shëruar ndasitë. Ndër prioritetet që përmendi, ai përfshiu sigurinë në kufirin jugor, uljen e taksave dhe të borxhit.
