Shqipëria përballet nesër me Gjeorgjinë në një ndeshje të rëndësishme të Ligës së Kombeve, me synimin për të ndalur serinë e humbjeve dhe për të rikthyer shpresat në këtë kompeticion. Kuqezinjtë vijnë në këtë përballje pas dy disfatave zhgënjyese dhe do të përballen me një skuadër gjeorgjiane që udhëheq Grupin dhe po kalon një formë të shkëlqyer.
Gjeorgjia, e para në grup, ka shfaqur një lojë të qëndrueshme dhe agresive, duke fituar shumicën e ndeshjeve të deritanishme. Ekipi i drejtuar nga Willy Sagnol do të kërkojë të shfrytëzojë formën e mirë dhe avantazhin e fushës për të vazhduar ecurinë e suksesshme në Ligën e Kombeve. Përballë tyre, Shqipëria, me mungesa të rëndësishme si Armando Broja dhe Rey Manaj, të dy të dëmtuar, do të ketë një sfidë të madhe për të marrë rezultat pozitiv.
Pavarësisht vështirësive, trajneri Sylvinho do të kërkojë nga ekipi i tij një reagim të fortë, duke mbështetur në cilësinë e lojtarëve si Nedim Bajrami dhe Elseid Hysaj, për të rikthyer besimin e skuadrës. Një fitore ndaj Gjeorgjisë do të ishte vendimtare për të shmangur humbje të mëtejshme dhe për të rritur pozitat në grup.
Ndeshja zhvillohet në stadiumin “Boris Paichadze” në Tbilisi dhe për Shqipërinë do të jetë një përballje jetike për të rimëkëmbur ecurinë në këtë kompeticion. Me mungesa dhe presion mbi rezultatet, kuqezinjtë duhet të japin maksimumin për të ndalur një Gjeorgji që vjen me moral të lartë, pavaresisht humbjes me Ukrainën.
