Një 70-vjeçar është plagosur me armë gjahu mbrëmjen e sotme në Roskovec. Mësohet se 70-vjeçari është plagosur aksidentalisht teksa ishte duke pastruar armën, të cilën e kishte me leje. Bëhet me dije se ai ndodhet në spital jashtë rrezikut për jetën.
Njoftimi:
Roskovec/Informacion paraprak
Rreth orës 20:20, në Roskovec, shtetasi Sh. S., 70 vjeç, duke pastruar armën e gjahut të cilën e kishte me leje, dyshohet se aksidentalisht është plagosur në këmbë.
Aktualisht ky shtetas ndodhet në spital, për ndihmë mjeksore, jashtë rrezikut për jetën. Grupi hetimor po punon për sqarimin e plotë të rrethanave të rastit.
