SPAK mbyll hetimet dhe dërgon kërkesën për gjykim në ngarkim të 23 shtetasve që akuzohen për mbushjen e malësisë së Shkodrës me bimë narkotike.
Grupi i strukturuar kriminal u godit në dy episode të ndryshme brenda vitit 2022 teksa u evidentuan edhe organizatorët. Gjatë operacionit u kapën tonelata me drogë në oprocese të ndryshme.
SPAK ka përfunduar hetimet dhe ka dërguar në gjykatës kërkesën për nisjen e gjykimit në ngarkim të 23 personave që i ka marrë zyrtarisht të pandehur për grup të strukturuar kriminal e kultivim narkotikësh.
Personat e pandehur:
Arian Popa
Arben Uruçi
Ardjan Tahiri
Samet Dahati
Besar Lejthiza
Izmir Dahati
Ermis Sela
Afrim Dahati
Liljana Çopani
Vajdije Allamani
Pjetër Gjoni
Roland Gjoni
Fabion Gjoni
Danjela Hasani
Valbona Haka
Mimoza Hoti
Elida Doku
Hurme Bafti
Franga Gjini
Fatime Baftaj
Drita Çuni
Dorentina Hoxha
Blerina Meta
Këta shtetas, kryenin funksione të ndryshme, ku disa prej tyre ishin organizator të kthimit të fshatrave të thella të Shkodrës në plantacione droge. Në qershor të 2022 në fshatin Vallas, Njësia Administrative Oblik Shkodër u zbuluan në total 32.000 rrënjë kanabis sattiva.
Gjithashtu, u gjetën bimë në proces tharje me peshë 112.55 kg si edhe bimë të prera në proces tharje, me peshë 130 kg. Në total, lënda e tharë e gjetur në vendin e ngjarjes ka rezultuar të jetë 246.05 kg. si organizator i kësaj veprimtarie është akuzuar Arian Popa.
Ndërkohë episodi i dytë i përket operacionit atij në fshatin Bleran-Bardhaj, Njësia Administrative Rrethina. Në banesat e vëllezërve Pjetër e Roland Gjoni, si edhe babait të këtyre të fundit është gjetur një serë brenda së cilës u konstatuan disa shtetase duke punuar.
Gjatë operacionit u kapën lëndë narkotike në proces tharje, me peshë 5.955 kg dhe në gjendje të thatë me peshë 80.095 kg. Pesha totale e sasisë së lëndës narkotike ka rezultuar të ishte 86.05 kg.
Si organizator për këtë episode është akuzuar shtetasi Pjetër Gjoni.
