Partizani pretendonte se mund ta përmbyste rezultatin e ndeshjes së parë të raundit të dytë të Conference League. Egnatia ishte e bindur se do të kualifikohej duke qenë se kishte fituar 0-1 në Islandë. Ajo që ndodhi ishte krejt tjetër: të kuqtë nuk shkuan më shumë se barazimi pa gola me Iberia 1999 (0-2 humbi në ndeshjen e parë), ndërsa rrogozhinasit u thyen 2-0 në Loro Borici, duke i bërë keq vetes më shumë se mund t'i bënte në realitet Vikingur.
Me pak fjalë, skuadrat shqiptare e mbyllin në raundin e dytë të Conference League aventurën e tyre Europiane, në kohën kur në raundin e parë dolën me shpejtësi Tirana e Vllaznia.
Lexo më tej: Kvaratskhelia shpartallon Egnatian: Napoli shumë i fortë për kampionët e Shqipërisë
PARTIZANI 0-0 IBERIA 1999
Partizani nuk ia doli dot të mposhte gjeorgjianët e Iberias, ashtu si ndodhi pak kohë më parë kur klubi quhej ende Saburtalo. 2-0 e ndeshjes së parë ishte e papërballueshme për lojtarët e Shehit që në “Elbasan Arena” nuk shkuan më shumë se barazimi 0-0 në duelin e kthimit. Interesant është fakti se nga shtatë kalime turi gjithsej që shënohen në historinë e Partizanit, të kuqtë nuk kanë arritur në asnjërin prej këtyre rasteve me përmbysje.
[video width="636" height="360" mp4="https://cdnimpuls.com/lapsi.al/wp-content/uploads/2024/08/66abd98ba207a.mp4"][/video]
EGNATIA 0-2 VIKINGUR
Egnatia tronditet në Shkodër duke zhbërë gjithcka kishte ndërtuar në transfertën e Islandës me Vikingur. Skuadra rrogozhinase nuk e mbrojti dot avantazhin e ndeshjes së parë dhe pësoi inisiativën e kundërshtarit, që solli edhe autogolin që ktheu ekuilibrin por me efekt të kundërt: Vinkingur besoi se mund tia dilte, ndërsa rrogozhinasit u futën në kompleksin e inferioritetit. Një dhuratë para portës pastaj, në rifillimin e pjesës së dytë, vrau përfundimisht ndeshjen.
[video width="636" height="360" mp4="https://cdnimpuls.com/lapsi.al/wp-content/uploads/2024/08/66abd47412961-1.mp4"][/video]
Egnatia del me dy eliminime një në Champions nga Borac dhe një në Conference nga Vikingur. Miqësorja me Napolin, e humbur 4-0, tani duket një aventurë e kotë, me koston e eliminimit që nuk duhej, të cilën Egnatia e përballi me energji të shteruara nga sforcimi i të dielës me skuadrën e Antonio Contes.
[video width="632" height="360" mp4="https://cdnimpuls.com/lapsi.al/wp-content/uploads/2024/08/66abde2e0d158.mp4"][/video]
