Zyrtare/ Sylvinho firmos me FSHF-në, me objektiv Botërorin: qendrojnë edhe Zabaleta e Doriva

Federata Shqiptare e Futbollit rinovon kontratën me trajnerin e Kombëtares, Sylvinho, si edhe dy zëvendës-trajnerët, Pablo Javier Zabaleta Girod dhe Dorival Guidoni Junior. E prishme, por tani lajmi është i konfirmuar me objektivin e fiksuar kualifikimin historik në Botërorin 2026. Departamenti i Komunikimit në FSHF bën me dije se kontrata e re me trajnerin Silvinjo dhe dy asistentët e tij, Zabaleta dhe Dorival do të zgjasë deri në dhjetorin e vitit 2025 dhe menjëherë do të nisë puna për ndeshjet e UEFA Nations League dhe kualifikueset e Kupës së Botës. Sfida e parë është UEFA Nations League, me këtë kompeticion që do t’i shërbejë stafit teknik për të përgatitur sa më mirë ekipin për kualifikueset e Botërorit 2026. Pas suksesit të arritur me kualifikimin në Kampionatin Europian “Gjermani 2024”, tani synimi kryesor do të jetë një kualifikim historik në finalet e Kupës së Botës 2026.

OBJEKTIVI, KUALIFIKIMI NË BOTËROR

Arritja e marrëveshjes dhe vazhdimi i projektit tregon vizionin e FSHF-së për të rritur sa më shumë nivelin e ekipit Kombëtar me objektivin kryesor për të arritur të tjera suksese historike në të ardhmen. Nën drejtimin e trajnerit Sylvinho, Kombëtarja shqiptare ka treguar progres dhe qëndrueshmëri të jashtëzakonshme. Shqipëria u kualifikua për herë të dytë në histori në një Kampionat Europian, ku tregoi performancë të denjë dhe bindëse në takimet kualifikuese si edhe u përballë denjësisht me kundërshtarë të nivelit të lartë në Euro 2024 ndaj Italisë, Kroacisë dhe Spanjës. Lexo më tej: Sylvinho, kontrata e përfunduar sot dhe prapaskena e rinovimit: me Dukën për finalen në Berlin Rinovimi i kontratës nënkupton angazhimin e FSHF-së për vazhdimësi dhe stabilitet, ndërsa nis rrugëtimi ambicioz drejt objektivit për një kualifikimin historik në Kupën e Botës 2026.

???????????̈ ?????????!

ℹ️ Trajneri ?????? ?????? ?????? ?????? dhe zëvendëstrajnerët ????? ?????? ???????? ????? e ??????? ??????? ?????? kanë rinovuar kontratat deri në dhjetor të vitit 2025. pic.twitter.com/KHnSmah1Ye

— FSHF (@FSHForg) July 24, 2024