Matias Soulè po bllokon merkaton e futbollit të Juventus pasi transferimi i tij ende nuk është realizuar. Thiago Motta ka vendosur të heqë dorë nga argjentinasi, i kërkuar nga Roma dhe Premier League. E në këtë pikë, Cristiano Giuntoli po e humbet durimin.
SITUATA E SOULE: ROMA E PREMIER LEAGUE E DUAN
Nuk është mister që Roma dhe De Rossi e duan me çdo kusht lojtarin argjentinas. Klubi kryeqytetas dëshiron që ai të bashkohet me Dybala për një sulm plot imagjinatë dhe paparashikueshmëri. Por oferta e Friedkin nuk e kënaq klubin bardhezi. 25 milionë nuk janë të mjaftueshme sepse bardhezinjtë duan të paktën 30. Mbi Soulè ka edhe klube të Premierligës të gatshme t'i paguajnë Juventus 30 ose më shumë milionë. E nervozizmi për mungesën e vendimmarrjes nga lojtari po shfaqet te drejtuesit bardhezi.
Lexo më tej: Klimë e rëndë te Juventus: Szczesny, De Sciglio, e Huijsen tani janë një çështje!
ULTIMATUMI I GIUNTOLI
Giuntoli duhet të kompletojë merkaton e Juventus, por për ta bërë këtë ai ka nevojë për para nga transferimet. 30 milionët e Soulè janë të dobishme dhe gazetari Sabatini zbuloi për Radio Radio takimin kokë më kokë mes të dyve: "Giuntoli pati një takim kokë më kokë me Soulè ditët e fundit dhe e ftoi atë të pranonte kalimin në Premier League. Por argjentinasi tha se dëshiron vetëm Romën”.
