Në një intervistë për El Chiringuito, Alvaro Morata ka folur për vështirësinë ku je gjithmonë në qendër të kritikave, veçanërisht në Spanjë. “Preka fundin, mendova të hidhja peshqirin – rrëfeu sulmuesi i iberikëve –. Nuk dua të ndalem shumë në këtë temë... Duket se në fund gjithmonë përfundon duke thënë ndonjë justifikim, apo duke u ankuar... Nuk po flas nëse njerëzit më duan apo jo, është një çështje respekti dhe në Spanjë shumë njerëz, nuk po flas vetëm për mjedisin e futbollit, nuk e kanë..."
Morata më pas vazhdoi: "Kam përjetuar shumë episode me familjen time në rrugë. Nuk ka rëndësi sa episode të pakëndshme duhet të përjetosh, është përditshmëria ime, kur shkoj në supermarket me fëmijët e mi ose për t'i çuar në stërvitje. Shumë pak njerëz më njohin me të vërtetë. E shumë persona që kam takuar gjatë jetës sime kanë ndryshuar opinion për mua kur më kanë njohur".
Lexo më tej: Video/ Morata papritur kap me shkelma një smartphone: 'çmenduria' e spanjollit bëhet virale
NJERËZIT QË E NDIHMUAN
Morata mori ndihmë jo vetëm nga familja e tij, por edhe nga psikologë dhe psikiatër, diçka që tashmë është gjithnjë e më e zakonshme në botën e futbollit, ku presionet janë gjithnjë e më të padurueshme. “Kam menduar disa herë të dorëzohem, por në fund, kur u them fëmijëve të mi, gjëja më e mirë që mund t'u mësoj, është se kam qenë shumë herë në m*t dhe në fund kam arritur të ngrihem gjithmonë. E ky është një burim krenarie për mua. Sot kam psikologun tim, psikiatrin tim dhe një trajner. Më kanë ndihmuar shumë. Ata dhe gruaja ime janë fija që më ka mbajtur në momentet delikate dhe janë ata që të japin vlerë dhe të bëjnë ta shohësh veten me sy tjetër... Pa gruan time (Alice Campello, red.) karriera ime do të kishte qenë krejtësisht ndryshe”.
