Ndeshja e pestë pa fitore për Vllazninë, në një krizë të pashpjegueshme rezultatesh në këtë fund kampionati. 0-0 përfundon ndeshja në Niko Dovana. Teuta ndalet në shtëpi dhe nuk parakalon dot Laçin, duke e barazuar me pikë, por ende në zonën e playout. Me objektiva të ndryshëm, por me qasje të njëjtë lojë, Teuta e Vllaznia ndanë pikët në javën e 32 të Kategorisë Superiore.
Lexo më tej: Video/ Qirko pret penalltinë e shpëton Partizanin: Shehi i jep fund krizës në derbi
Një ndeshje me plot polemika nga të dy krahët. Ritmi nuk ishte ai I duhuri, por agonizmi po. Dy skuadrat kërkuan me ngulm të merrnin rezultatin, duke e bërë ndeshjen nervoze. Episodi kyç është goli i minutës së 50’. Pozicioni jashtë loje ndal festën e durrsakëve, që protestruan ashpër te arbitri.
Video/ Goli i anuluar i Teutës
Gjithçka ndodhi në pjesën e dytë, në fakt, sepse edhe Vllaznia në fund pati pretendimet e saj për një penallti. Portieri Vata ndaloi Ajdareviç, por për arbitrin ishte lojë e rregullt me kuqeblutë të gjithë në protest. Sa i përket ndeshjes, Teuta rrezikoi me Faust dhe Peposhin, por Qarri ishte i pakalueshëm. Një barazim që nuk i bën punë asnjërës prej skuadrave që tashmë ndodhen në një situatë shumë delikate.
Video/ pretendimi për penallti i Vlllaznisë
Teuta e shikon veten në zonën “play-out” prapa Laçit, ndërsa kuqebluve i bën presion Partizani që pas fitores me Dinamon ndodhet në vendin e tretë vetëm një pikë larg tyre. Kuqeblutë ndërkohë duhet të luajnë në mesjavë edhe ndeshjen e kthimit gjysmëfinale të Kupës, ndaj Egnatias ku duhet të përmbys rezultatin 1-0 të ndeshjes së pare.
