Lapsi Video

Aplikacioni

Android iOS
Flash

Refuzohet apeli, Robinho dërgohet në burg: 9 vjet për përdhunimin e shqiptares, frikë nga keqtrajtimet

Lapsi.al 24 March 2024
Refuzohet apeli, Robinho dërgohet në burg: 9 vjet për
Ish-futbollisti brazilian Robinho duhet të vuajë menjëherë dënimin me nëntë vjet burg për përdhunim. Kështu vendosi një gjyqtar i Gjykatës së Lartë braziliane, duke hedhur poshtë pezullimin e dënimit, të kërkuar nga vetë playmaker, deri në shterimin e të gjitha ankimimeve të mundshme. Ish-futbollisti, i cili ndodhej në vilën e tij në Guaruja në bregdetin Paulista mbrëmjen e së enjtes, u dërgua në selinë e Policisë Federale në Santos. Në përfundim të formaliteteve, Robinho u dërgua në burgun e Tremembe në një qeli beqare. Nuk mungojnë frikërat “për integritetin fizik” të futbollistit, siç deklaroi për CNN avokati, Jose' Eduardo Alckmin. Mbrojtja ka frikë se 40-vjeçari tashmë është i ekspozuar ndaj shantazheve dhe keqtrajtimit. Avokati i Robinho ka njoftuar një tjetër apel kundër paraburgimit, në mënyrë që më shumë gjyqtarë të Gjykatës së Lartë të mund të analizojnë çështjen. Lexo më tej: Vajza shqiptare “donte vetë”. Robinho akuzon për racizëm: "Po të isha italian i bardhë do ishte ndryshe" Portali brazilian ‘Uol’ publikoi muaj më parë audion e bisedave mes Robinho dhe miqve të tij, pas përdhunimit në grup të një 23-vjeçareje shqiptare. Ngjarja ndodhi në një klub nate të Milanos më 22 janar 2013. Krim për të cilin ish-futbollisti, në atë kohë te Milan, u dënua përfundimisht në Itali me nëntë vjet burg. “Kam frikë se… Nëse nuk del në shtyp, është fantastike. Imagjinoni: shokët e Robinhos përdhunojnë një vajzë në Itali – ishin fjalët shokuese të Robinho –. Edhe nëse më thërrasin për diçka, nuk është problem. Shkoj atje dhe i them: së pari, historia është e një viti më parë. Së dyti, as nuk e kam prekur atë vajzë”.

Të këshilluara

ide

Pse Rama nuk tërhiqet dot nga Zvërneci

Ndonëse kryeministri e la të hapur fatin e investimit të cilin e etiketoi si testin e parë të platformës Besa, ai nuk është i lirë ta bëjë këtë. Edi Rama e di shumë mirë, se nëse i thotë jo Kushnerit të cilin e yshti të hidhte në Zvërnec paratë e katarianëve, pasoja do të jetë shumë më e madhe se indiferanca përbuzëse që Trump demostroi ndaj atleteve të tij të bardha në samitin e NATO-s.

12:29 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

34°c

KËMBIMI EURO

92.59

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI