Lapsi Video

Aplikacioni

Android iOS
Flash

Florent Hasani te Rapid, por Tirana nuk i ka mbyllur negociatat: ja prapaskenat e transferimit

Lapsi.al 20 December 2023
Florent Hasani te Rapid, por Tirana nuk i ka mbyllur negociatat: ja prapaskenat
Florent Hasani, Këpuca e Artë e sapokurorëzuar e futbollit shqiptar, ka parë nga tribuna ndeshjen e fundit të Tiranës së tij, për më tepër të humbur, përballë Vllaznisë. Golashënuesi më i mirë i edicionit të kaluar me 16 gola dhe lideri aktual i renditjes së shënuesve në Superiore me 10 gola, ka firmosur me Rapid Bukuresht dhe nga janari do të luajë në kampionatin rumun. Prapaskena e transferimit të kosovarit, në fakt, tregon se negociatat e bardhebluve me klubin rumun vazhdojnë ende, pavarësisht kontratës individuale me lojtarin. Rapid është akorduar për 2 sezone e gjysëm me 26 vjeçarin, ndërsa do t’i paguajë 300 mijë euro Tiranës. Shifra nuk është shumë e lartë, por e pranueshme për një lojtar që shkonte në skadencë kontrate me bardheblutë në fund të majit. Lexo më tej: Tirana zgjidh hallet e lekëve, Florent Hasani firmos në Rumani: “Me Rapidin fitoj titullin” Tirana, megjithatë, nuk i ka përfunduar tratativat me Rapid, sepse bardheblutë duan të mbajnë 10% të kartonit të lojtarit, mënyrë që ka rezultuar shumë e suksesshme me Ernest Muçin dhe e aplikuar edhe te Redon Xhixha. Problemi është se rumunët nuk duan të kenë vetëm 90% të kartonit dhe insistojnë për të bërë blerjen përfundimtare pa lënë asgjë prapa. Drejtuesit kryeqytetas kërkojnë sidoqoftë t’a bindin Rapid, por nëse do të gjejnë përballë një mur, atëherë do të kërkojnë të shtohet shifra mbi 300 mijë eurot fillestare.

Të këshilluara

ide

Plaku me bastun, si antimodeli ndaj një pushteti të shurdhët

Ndarja e re teritoriale përpos problemeve të diskutueshme me pakësimin e bashkive po vërteton se kjo qeverisje e degraduar nuk ka më as vullnet as nerva për të dëgjuar qytetarët. Prandaj rruga e vetme e komunikimit me të mbetet ajo e ngritjes së shkopit

16:34 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

24°c

KËMBIMI EURO

92.53

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI