Projekti Super League, i nisur në vitin 2021, është ende i frikshëm në Angli. Aq sa Mbreti Charles njoftoi një projekt-ligj të qeverisë britanike për të parandaluar skuadrat angleze nga përpjekjet për t'u bashkuar me një kampionat separatist në të ardhmen. Në një dokument që shpjegon projektligjin e ri të qeverisjes së futbollit, qeveria angleze thotë se Super League Europiane është "thelbësisht jo konkurruese" dhe "kërcënon të minojë piramidën e futbollit kundër dëshirës së tifozëve".
“Tifozët nuk do të kenë më nevojë të përballen me mundësinë e bashkimit të klubeve të tyre me propozime të pamenduara siç është Super League Europiane”, thuhet në dokument. Tashmë projektligji do të shkojë në Kuvend për shqyrtim.
Lexo më tej: Nga Spanja vjen akuza: "UEFA ka kërcënuar Juventus për Super League, ka prova"
"Ne jemi shumë të shqetësuar se ky plan mund të krijojë një lloj dyqani të mbyllur që komprometon sistemin tonë kombëtar – kishte pretenduar i qeveria angleze në prill 2021 përmes deklaratës së Sekretarit të Kulturës Oliver Dowden -. Ne kemi një strukturë piramidale në futbollin tonë ku fondet që rrjedhin nga sukseset globale të Premier League, që shpërndahen deri në ligat e vogla. Do të isha shumë i zhgënjyer të shihja ndonjë veprim të ndërmarrë që mund të shkatërronte gjithë këtë".
