Pas sëmundjes që shkaktoi frikë për më të keqen, në fund të ndeshjes AZ Alkmaar-NEC Nijmegen, Bas Dost zbulon përmes rrjeteve sociale arsyen pse humbi ndjenjat të dielën pasdite. “Kam bërë shumë analiza në ditët e fundit të cilat kanë treguar se kam një muskul të inflamuar të zemrës (miokardit) – ka shkruar sulmuesi holandez –. Mund të ketë arsye të ndryshme pse një muskul i zemrës inflamohet dhe pasojat mund të jenë mjaft të rënda. Por unë isha me fat që u ringjalla me sukses në fushë. Nuk mund të theksoj sa mirënjohës u jam mjekëve te NEC dhe AZ për ndërhyrjen e tyre adekuate në fushë."
POSTIMI I BAS DOST
“Të dashur kolegë, anëtarë të NEC dhe të apasionuar me futbollin,
Kardiologu im më shpjegoi se çfarë shkaktoi atë që më ndodhi gjatë ndeshjes AZ-NEC në Alkmaar. Ditët e fundit kam bërë shumë analiza të cilat kanë treguar se kam një muskul të inflamuar të zemrës (miokardit). Mund të ketë arsye të ndryshme pse një muskul i zemrës inflamohet dhe pasojat mund të jenë mjaft serioze. Por unë kam pasur fatin që u rianimova me sukses në terren. Nuk mund të theksoj sa duhet se sa mirënjohës u jam mjekëve në NEC dhe AZ për ndërhyrjen e tyre të duhur në fushë.
Testet do të vazhdojnë gjatë ditëve në vijim, më pas do të shkoj në shtëpi dhe duhet të pushoj për t'u rikuperuar plotësisht. Vetëm atëherë do të kem një vizion më të qartë për të ardhmen time. E që atëherë e tutje do të mund të ndaj më shumë për të. Tani për tani do të bëj një pushim nga futbolli dhe do të kaloj kohë me familjen time. Shpresoj që të gjithë ta respektojnë atë. Do të kthehem në stadiumin Goffert në muajt e ardhshëm. Pastaj një ditë do të tregoj edhe historinë time, mbi të gjitha për të ndihmuar botën e sportit të mësojë nga ajo që më ndodhi.
Dje pasdite në drekë fola me stafin tonë dhe shokët e skuadrës. Isha i lumtur t'i shihja dhe të flisja përsëri me ta. Ua shpjegova se çfarë më ndodhi, çfarë e shkaktoi dhe çfarë më pret në periudhën e ardhshme. Dua të theksoj se inflamacioni im nuk ka asnjë lidhje me vaksinat. U thashë atyre se kam shpresë për rikuperimin tim dhe se do të rikthehem në rrugën e duhur. Shpresoj që tani të mund të fokusohen sërish te futbolli. Ata duhet të fokusohen në ndeshjet kundër Roda JC dhe FC Volendam. Do t'i shikoj ato ndeshje në TV dhe do të bëj tifo për kolegët e mi.
Të gjithë e dinë se do të më mungojnë. Para të gjithëve kolegët e mi, por edhe tifozët, seancat stërvitore dhe atmosfera në stadiumet e futbollit. Më vjen keq. Megjithatë, tani është koha për të parë veten dhe për të pushuar pak. Tani për tani nuk bëj llogari, vetëm dua rimëkëmbjen time mes familjes.
Dëshiroj të falënderoj edhe një herë të gjithë botën e futbollit, brenda dhe jashtë vendit. Ata më treguan shumë dashuri. Kjo më ka prekur dhe mbështetur mua dhe familjen time.
Faleminderit miq të futbollit, do të shihemi përsëri!
Bas"
