“5-1 mund të ndodhë, 6-0 e Milan mbetet në histori. Në atë kohë, ne dominuam gjatë gjithë ndeshjes dhe mund të kishim shënuar edhe më shumë gola. Ishte shumë e rëndë. Besoj se ndeshja e parë e gjysmëfinales së Champions League ishte më e keqe se derbi. Mendoj se mund ta gjejmë sërish Milanin e madh dhe ta fitojmë derbin përsëri”. Muzikë për veshët e tifozëve kuqezinj dhe fjalët e Serginho, mbrojtësi historik i Milan, i aftë të fitonte një titull, dy Champions, një Botëror për Klube dhe shumë më tepër. Braziliani, tashmë 52-vjeç dhe ende në formë të shkëlqyer, foli për Sportmediaset duke u rikthyer në derbin e fundit: zemra e tij ka mbetur ende kuqezi.
Lexo më tej: Interi i derbit habit edhe teknikun e Manchester City Guardiola: "Shikoni cfarë bënë zikaltrit me Milan"
"Derbi na lëndoi, është një ndeshje e ndjerë, por unë e konsideroj fillimin e sezonit pozitiv - shtoi Serginho gjatë një eventi të mbajtur në Milano -. Jam i bindur se Milan mund të bëjë një lojë të mrekullueshme të mërkurën me Borussia Dortmund. E shoh ekipin shumë të përgatitur. Nuk është e lehtë puna e teknikut Pioli, që e gjeti veten në krye të një grupi me shumë elementë të rinj. Grupi tani po shpërfaqet. Për lojtarët e rinj nuk është e lehtë të kuptojnë rëndësinë e kësaj fanelle. Pak nga pak skuadra është duke marrë formë mirë. Krahasimi me Milanin tim? Ishin kohë të tjera, dhe Serie A ishte gjithashtu në një nivel tjetër. Krahasimi është i ndërlikuar me një ekip që ka fituar pothuajse gjithçka".
