Dy vjet pas përjashtimit të tyre nga futbolli profesionist, Chievo dhe ish-pronari i saj Luca Campedelli çojnë FIGC (edhe presidentin e saj Gabriele Gravina) e Clivense, ekip i lindur nga hiri i verdhebluve, në gjykatë duke kërkuar dëmshpërblim për 140 milionë euro. Si raporton Il Gazzettino, Campedelli konteston një "përjashtim të paligjshëm nga kampionati i Serie B". Jo vetëm kaq, sepse konteston edhe "shkeljen e të drejtave të pronësisë industriale në lidhje me markat sportive".
Historia e përjashtimit të Chievo nga Serie B daton në verën e vitit 2021. Klubit iu refuzua një zgjatje e re e afatit nga Covisoc (me të parën klubi verdheblu kishte arritur të zvogëlonte gjysmën e borxhit prej rreth 37 milionë në total, por në vitin 2020 kishte ndërprerë pagesat) në lidhje me mospërmbushjen e detyrimeve tatimore për pagesën e TVSH-së (tremujori i parë dhe i dytë 2019, të gjithë tremujorët 2018 dhe 2017) dhe të periudhave tatimore 2016, 2015, 2014. Çdo ankimim ishte refuzuar si para drejtësisë sportive ashtu dhe asaj administrative. Kështu që Chievo u përjashtua nga çdo divizion profesionist italian. Në fakt, erdhi falimentimi me lirimin e lojtarëve në transferta të lira. Humbja e vlerësuar, nga Campedelli, në këtë rast është 140 milionë euro. Ky proces, që përfshin FIGC dhe Gravina, duhet të përfundojë në Gjykatën Administrative Rajonale të Lazios.
Clivense lindi më pas nga hiri i atij klubi falë Sergio Pellissier, ish-sulmues i Chievo. Campedelli, pronar i Paluani, kërkon që ky klub i ri të mos përdorë emrat Chievo Verona 2021, Chievo 2021, Chievo, I Clivense dhe Clivenze, të simbolit dhe të çdo mjeti tjetër që përdoret për të tregtuar aktivitetin e tij.
