Finalja e Champions League mes Inter dhe Manchester City do të luhet më 10 qershor. Skuadra angleze mposhti Real Madrid në gjysmëfinale me rezultatin e zhurmshëm 4-0 në ndeshjen e dytë. Organika e Manchester City kushton sa tri herë ajo italiane. Pa llogaritur se në sulm Citizens kanë Topin e Artë të ardhshëm Erling Haaland. E po flasim për një sulmues që shënoi 52 gola këtë vit. Në fakt, basteshkruesit tashmë i japin si fitues Citizens. Kështu, emisioni i Italia 1, Le Iene fluturoi drejt Mançesterit, ku në stadiumin Etihad, për t'i dorëzuar ekipit trofeun e Champions League direkt.
Kapiteni İlkay Gündoğan, që vinte i freskët nga fitimi i Premier League, ishte i pari që mori trofeun nga i dërguari i Le Iene Stefano Corti. Mesfushori e ngriti atë lart duke shtuar se, për cështje bestytnie, ai nuk do ta autografonte. Por çuditërisht, ka qenë trajneri i skuadrës Pep Guardiola që e ka marrë me vete trofeun, pasi ngacmoi lojtarin e tij: “Bëhu i mirë, jeni shumë simpatikë!”. Reportazhi i plotë do të transmetohet sonte, e martë 23 maj, në prime time në Italia1, në takimin e fundit sezonal me “Le Iene”.
