Loris Karius dhe Diletta Leotta është çifti i momentit në botën e futbollit dhe thashethemeve. Gazetarja pret një fëmijë prej tij dhe portieri duket se ka gjetur qetësinë e humbur vitet e fundit. Buzëqeshjet, festimet, familja, pushimet dhe fusha si titullar në finalen e Carabao Cup e bëjnë portierin personazhin e momentit. E duket se këtë ka ndërmend të shfrytëzojë Leotta, që i futet një 'rivaliteti' në fushën e Wanda Nara.
Historia e Loris Karius është diçka që shkon përtej të imagjinueshmes. Nga ferri në parajsë brenda pak vitesh, ku praktikisht i ndodhi gjithçka. Nga titullar i Liverpool në finalen e Champions, në mërgim të detyruar pa një ekip për shkak të gafave të rënda të bëra në atë ndeshje fatkeqe kundër Real Madrid. Në mes, megjithatë, në vitin e fundit është lumturia e rizbuluar në takimin dhe dashurinë me Diletta Leotta. Të dy presin gjithashtu të bëhen prindër e portieri gjerman pas finales me Newcastle, në Carabao Cup, pret lajme nga merkato e verës.
DREJT SERIE A...
Gjatë Football Week të Gazzetta dello Sport, Diletta Leotta iu përgjigj shumë pyetjeve. Më pikantja ajo që ka të bëjë me të ardhmen e partnerit të saj. Prezantuesja e DAZN ka një ëndërr të fshehtë që është ta shohë Karius të luajë në Serie A: “Do të ishte mirë ta shihja të luajë këtu pranë meje, nuk do ta mohoj. Pranë Milanos, në Lombardi apo në Liguria. Por edhe në qendër apo në jug, do të ishte shumë më e lehtë dhe më komode sesa në Newcastle”. Gjermani duke se ka tashmë një menaxhere speciale që mund ta lehtësojë ardhjen e tij në kampionatin italian. Por a do të jetë ndonjë klub i gatshëm të vërë bast mbi gjermanin?
