Manchester City e Inter i bashkohen Milan e Real Madrid në katër gjysmëfinalistët e Champions League. Ashtu si parashikohej, edhe pse askush nuk doli fitues në ndeshjet e kthimit cerekfinale të turneut. Diferencën e bënë fitoret e para: 3-0 e City në Etihad dhe 0-2 e Inter në Da Luz. Kështu, anglezëve i mjaftoi një barazim 1-1 në Mynih për të nxjerrë jashtë skuadrën e Thomas Tuchel. Në San Siro zikaltrit u frikësuan vetëm në fund me dy gola të shpejtë të Benfica, por që nuk shkoi më shumë se një 3-3 që e projekton skuadrën e Inzaghi në një euroderbi me Milan.
BAYERN MUNICH 1-1 MANCHESTER CITY (1-4)
Asnjë befasi në ndeshjen e dytë të çerekfinales së Ligës së Kampionëve mes Bayern Munich dhe Manchester City. Përfundoi 1-1 në Allianz Arena dhe Citizens fluturojnë në gjysmëfinale. Bavarezët e nisën fuqishëm pjesën e parë të lojës, me zotërim të zgjatur të topit dhe shumë mundësi, ndonëse jo sensacionale. Mundësia për të ndryshuar rezultatin i erdhi miqve, të cilët fituan një penallti në minutën e 37'. Një prekje me dorë e topit nga Upamecano i dha mundësinë Haaland të provojë nga pika e bardhë, por norvegjezi goditi jashtë. Ndeshja u bë nervoze dhe jo pak, me dy skuadrat që u kthyen në dhomat e zhveshjes me rezultatin 0-0.
Lexo më tej: Video/ Manchester City ‘dhunon’ 3-0 Bayern në Etihad, Haaland i pandalshëm: Inter magji në Lisbonë
Nisja e pjesës së dytë ishte mjaft e ngjashme me fillimin e ndeshjes, me formacionin e Tuchel që menaxhoi topin, në tentativë për të rihapur kualifikimin. Edhe një herë, megjithatë, ishte City që goditi. Në minutën e 57' De Bruyne asistoi Haaland, që përfitoi nga rrëshqitja e Upamecano dhe mposhti Sommer. 1-0 në favor të qytetarëve dhe kualifikim në fakt në këtë moment u vu në kasafortë. Vendasit, sidoqoftë, nuk ndaluan së mbajturi topin në lojë, pa mundur megjithatë ta përmbysnin rezultatin. E vetmja shpresë erdhi kur ishte tepër vonë. Në minutën e 83, bavarezët morën një penallti pas sinjalizimit të VAR. Kimmich nuk gaboi nga pika e bardhë dhe bëri 1-1, duke shmangur humbjen për bavarezët. Në minutat e fundit u përjashtua me të kuq një Tuchel shumë nervoz, se nuk mundi të shmangë eliminimin. Ndeshja përfundoi me rezultatin 1-1 e Manchester City do të kalojë në gjysmëfinale, ku do të përballet me Real Madrid. Eliminohet Bayern Munich, i cili pagoi pasivin e rëndë të ndeshjes së parë (3-0 në Etihad Stadium).
INTER 3-3 BENFICA (5-3)
Derbi i Milanos mes Inter dhe Milan do të jetë një nga dy gjysmëfinalet e Champions League 2022/23. Zikaltrit barazuan 3-3 me Benfica në San Siro, duke përfunduar detyrën pas fitores në Lisbonë. Skuadra e Inzaghi rikthehet në katër më të mirët e Europës 13 vjet pas sezonit të Tripletës. Edhe një herë Barella zhbllokoi ndeshjen me të majtën në kryqëzim në minutën e 14'. Portugezët barazuan në minutën e 37' me Aursnes, duke i dhënë shpresë Shqiponjave. Por në pjesën e dytë Lautaro u kujdes për të firmosur një tjetër avantazh. 2-1 mbylli efektivisht llogaritë, duke e bërë praktikisht të pamundur rikthimin e kundërshtarit. Në fund ka lavdi edhe për zëvendësuesin Correa, iqë bëri tris me një goditje të shkëlqyer me të djathtën. Vetëkënaqësi ndoshta, sepse Benfica u rikthye me dy gola të shpejtë. 3-2 e shënoi Antonio Silva në minutën e 86', ndërsa Musa bëri 3-3 në minutën e fundit të shtesës.
Interi mori një 3-3 me Benfica në ndeshjen e dytë çerekfinale të Ligës së Kampionëve që e dërgon në gjysmëfinale përballë Milan. Kështu, do të jetë një derbi europian i Madonninas për të vendosur një nga finalistët. Finalisti tjetër është një cështje mes Real Madrid dhe Manchester City. Zikaltrit ia dolën të fortë në suksesin 2-0 të ndeshjes së parë në Lisbonë. Kështu, 3-3 në kthim mjafton. Në San Siro protagonist ishte Barella. Përgjigje e kundërpërgjige mes Aursnes e Lautaros e Correas. Në fund, ankth e drithërima për një rikthim të pamjaftueshëm gjithësesi të firmosur nga Antonio Silva e Musa.
