Video/ Çmenduri në Feyenoord-Ajax: mjegull toksike, gjak në fushë e arrestime

Skena surreale u panë para fillimit dhe gjatë gjithë ndeshjes mes Feyenoord dhe Ajax, në gjysmëfinalen e Kupës së Holandës. Rivaliteti historik mes qytetit të Roterdamit dhe atij të Amsterdamit, ka ekzistuar edhe para atij mes Feyenoord dhe Ajax. Kështu, u krijuan skena surreale para dhe gjatë gjysmëfinales së Kupës së Holandës. Një ndeshje teke, e luajtur në stadiumin de Kuip të Roterdamit, në të cilën tifozët përdorën të gjitha mjetet që kishin në dispozicion. As gjysmë minutë pas fillimit, tifozët vendas ndezën bombat tymuese. Reja e krijuar në stadium çoi në ndërprerjen e ndeshjes. Në fillim ishte një skenë shumë e mirë piroteknike, por më pas situata doli jashtë kontrollit. U krijua një mjegull toksike, e dukshme për kilometra larg stadiumit. Kështu, ndeshja u pezullua për shkak të problemeve të vizibilitetit dhe cilësisë së ajrit. Lojtarët u desh të prisnin që reja të shpërndahej, përpara se të rifillonin lojën.

KLAASSEN U GODIT NË KOKË

Megjithatë, ndeshja u ndërpre sërish në minutën e 63'. Lojtari i Ajax, Klaassen (i cili shënoi golin e 2-1 për harkëtarët) u godit në kokë nga një çakmak i hedhur nga tifozët. Objekti i hap një plagë në kokë dhe arbitri pezulloi ndeshjen. Lojtarët e Ajax u kthyen në dhomat e zhveshjes për siguri. Ndërkohë, ndihmës trajneri dhe flamuri i Feyenoord, John de Ëolf mori një mikrofon për të qetësuar tifozët e tij.

??️ Assistant manager of Feyenoord, John de Wolf: "Fans, at that side, use your brain Goddamnit! Make sure nothing is being thrown on the pitch again." pic.twitter.com/owecFQLjxn

— Barstool Football (@StoolFootball) April 5, 2023

Ndeshja u ndërpre për 15 minuta dhe pasi u kthye në fushë u ndërpre sërish. Klaassen u rrëzua në tokë i trullosur dhe kishte nevojë për zëvendësim. Ndërkohë autori i çakmakut të hedhur është arrestuar falë pamjeve të kamerave. Në fund të gjithë kësaj, Ajax mundi Feyenoord në shtëpinë e tyre dhe arriti në finale të Kupës.