Lapsi Video

Aplikacioni

Android iOS
Flash

Futbolli italian me 3 skuadra në çerekfinale, më i pëfaqësuari në Champions: nuk ndodhte prej 17 vitesh

Lapsi.al 16 March 2023
Futbolli italian me 3 skuadra në çerekfinale, më i
Tre skuadra italiane, dy angleze, një spanjolle, një gjermane dhe një portugeze. Duket si barsaletë, por në fakt është e gjitha e vërtetë. Futbolli tre ngjyrësh është më i përfaqësuari në Champions League. Milani, Interi dhe Napoli (sipas kualifikimit) arritën në çerekfinale, një sukses që nuk kishte ndodhur që nga sezoni 2005/2006. E që atëherë kanë kaluar 17 vjet. Atë verë Italia u bë kampione bote. Kjo sa për t'i bërë njerëzit të kuptojnë se sa e ndryshme është periudha historike e asaj kohe nga ajo aktuale. Por kënaqësia mbetet. Një skuadër më shumë nga Seria A sesa ato nga Premier League, dy më shumë nga ato të La Liga dhe Bundesliga. Të mendosh se futbolli italian është shëruar papritur nga problemet e tij, sidoqoftë do të ishte e tepruar. Megjithatë, ka diçka për t'u gëzuar përtej Adriatikut pavarësisht sistemeve elitare. Edhe sepse në gjashtë ndeshjet e 1/8 italianët nuk kanë pësuar gola (7 të shënuar: 5 nga Napoli dhe një për secilën nga milanezet). Lexo më tej: Video/ Osimhen magjia e një mbrëmje lufte, Napoli në histori me 3-0 ndaj Eintracht: Real 1-0 ndaj Liverpool Futbolli i të kaltërve nuk ka qenë në një finale të Champions League prej 6 vjetësh dhe nuk e ka fituar atë prej 13. Siç u përmend, që nga viti 2006, tre italiane nuk ishin parë në të njëjtën kohë në çerekfinale. Gjithsej, ka ndodhur edhe dy herë të tjera. Në 2002/2003 (me të gjithë përfaqësuesit e futbollit trengjyrësh deri në gjysmëfinale). Herën e dytë në sezonin 2004/2005. Në të tre rastet protagonistët ishin të njëjtë: Juventus, Inter dhe Milan.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

21°c

KËMBIMI EURO

91.68

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI