Shkaktoi polemika të ashpra video e rishfaqur nga e kaluara, në të cilën Ciro Santoriello deklaroi veten "si një prokuror anti-juventin". Prokurori i përfshirë në hetimin Prisma kundër bardhezinjve madje kishte shtuar: "Unë e urrej Juventusin". Por nuk është vetëm kaq, sepse një tjetër video e Santoriello nxit debatet. Prokurori i Republikës së Torinos, që ka hetuar disa herë klubin e Juventus deri në “Prisma Investigation” këtë herë është lëshuar në një tallje. Bëhet fjalë për një batutë padyshim, por nisur nga ajo e mëparshme, është e pashmangshme të mos zemërojë tifozët bardhezinj.
Lexo më tej: Prokurori Santoriello që “urren Juventus” nuk shqetësohet nga polemikat: “Jam i qetë”
Ciro Santoriello është protagonisti i një video të vjetër që është rikthyer të qarkullojë në rrjet. E dyta, pas asaj ku ai e përcaktoi veten si “anti-juventin”.
Episodi daton në 20 qershor 2019, gjatë një konference në Torino. Në kontekst flitet për dicka krejt tjetër. Santoriello po mbyll një arsyetim për temën e së drejtës penale private duke iu referuar kompanive publike. Dhe duke formuluar dëshirën për të mos u thirrur bashkë me kolegët e tjerë për të folur për këtë temë, ai e cilëson atë si "një dëshirë absolutisht të paarritshme, si p.sh. fitimi i Kupës së Kampionëve nga Juventus".
Ka tjetër impak videoja e publikuar mbrëmjen e së hënës, në të cilën Santoriello kishte deklaruar: "E pranoj, e ndjek dhe jam një tifoz i madh i Napolit. E urrej Juventusin. Si prokuror, jam anti-juventin, kundër hajdutëve në fushë".
