Zamorano dhe Kupa e Botës në Katar në stilin e kilianit. Në një intervistë për Olé, ish-sulmuesi tregoi përshtypjet e tij: “Argjentina pati një fillim të vështirë, por më pas pati një reagim të jashtëzakonshëm. Pas ndeshjes së parë, ajo filloi të ndërtonte unitetin. Kjo duhej që të vazhdonte deri në fund. Në atmosferë ndjehej se ishte një ekip i vërtetë, ku të gjithë luftonin për një gol. Scaloni gjeti lojtarë që nuk përmendeshin në gazeta. Përmend një mbi të gjithë, Julian Alvarez”.
Dhe Zamorano e shpjegon. “Ai është sulmuesi më i kompletuar që ekziston. Ai bën gjithçka siç duhet: është i mirë në krahë, është mbrojtësi i parë, është i mirë me kokë. Godet me të djathtën dhe me të majtën. Ka talent dhe fuqi fizike, këtë e dëshmoi në golin e shënuar kundër Kroacisë. Haaland nuk bën mirë në krahë, Mbappé e kemi parë tashmë që si 9 ai nuk gjeneron shumë pjesëmarrje në lojë... Julián, në vend të kësaj, i bën të gjitha këto. E pastaj ai ka një zemër të pamasë që e bën atë edhe më të kompletuar”.
Zamorano flet edhe për Messi. “Nuk ka më mbiemra për Leon. Ai përfaqëson dashurinë për futbollin, na përfaqëson të gjithëve në fushë. E na bën të ndjejmë emocione në çdo kohë. Është diçka e mrekullueshme dhe mendoj se futbolli e ka shpërblyer me këtë Kupë Bote, absolutisht të merituar. Messi ka qenë lojtari më i mirë në botë për 15 vitet e fundit, gjë që nuk është e lehtë. Sot mund të ulet pranë Pele, Maradona dhe kujt të dojë...”.
