Një qendër tregtare në qytetin Kremenchuk lindje të Ukrainës me më shumë se 1000 njerëz brenda është goditur nga një sulm raketor rus. Lajmin e bëri të ditur Presidenti i Ukrainës Volodymyr Zelensky.
13 persona janë konfirmuar të vrarë dhe 40 të tjerë janë plagosur, sipas kreut të administratës rajonale të Poltava.
Autoritetet thonë se janë të frikësuar se numri i viktimave mund të rritet. Në media janë publikuar pamje të godinës në flakë ndërsa zjarrfikësit po mundohen t’i vënë ato nën kontroll.
Autoritetet vendase por edhe komuniteti ndërkombëtar perëndimor e ka konsideruar sulmin si një krim lufte. ©LAPSI.al
