2 turistë gjatë eksplorimit të natyrës, në vendin e quajtur "Syri i Ciklopit" kanë rënë nga lartësia dhe në një terren mjaft të vështirë. Bëhet fjalë për shtetasit D. K., 50 vjeçe dhe K. K., 80 vjeç. Falë ndërhyrjes së shërbimeve të policisë, shërbimit mjekësor dhe emergjencave, është bërë e mundur nxjerrja e dy shtetasve të dëmtuar, dhe dhënia e ndihmës së parë.
Për shkak të rrezikut të lartë për transportimin e të dëmtuarve me barrelë, nga vendi ku kishin rënë, deri te ambulanca, është bërë e mundur që me një helikopter, të transportohen për në Spitalin e Traumës.
