“Forcat e Ukrainës kanë pasur njëfarë suksesi pranë qytetit jugor Kherson dhe po përparojnë në pjesë të rajonit të Kharkiv në lindje të Kievit”, - tha presidenti ukrainas Volodymyr Zelensky.
Ai vlerësoi "guximin e madh" të ushtrisë së tij dhe tha se ata "mbeten zotërues të situatës në front".
Presidenti ukrainas megjithatë tha se forcat ruse kanë një "përparësi të konsiderueshme" në pajisje dhe numra.
Zyrtarët ukrainas raportuan një "mbyllje të të gjitha komunikimeve" në rajonin jugor të Khersonit të pushtuar nga Rusia.
Shkak është bërë ndërprerja e kabllove kryesore të furnizimit me internet të zonës.
Rusia ka pushtuar pothuajse të gjithë Luhanskun dhe po fokusohet në kapjen e Donetskut fqinj. Të paktën 3 052 ushtarë të saj janë vrarë që nga fillimi i pushtimit më 24 shkurt, sipas një liste emrash të përpiluar nga BBC. ©LAPSI.al
