Pas dështimit të raundit të dytë, Konferenca e Kryetarëve vendosi sot qe raundi i trete për votimin e kandidaturave për president te mbahet me 30 maj.
Konferenca nisi rreth orës 15:00, ndërsa vijoi me diskutime.
Kryetari i grupit parlamentar të PS, Taulant Balla ka propozuar që data 30 maj të jetë raundi i tretë për zgjedhjen e Presidentit.
“Raundi i radhës, 30 maj ora 10:00. Shpresoj të kemi votim dhe zgjedhjen e presidentit”, tha Balla. Ky propozim u miratua nga kryetarja e Konferences, Lindita Nikolli.
Edhe në raundin e dytë, sipas marrëveshjes opozita ka të drejtë të propozojë kandidatin për President, por sikundër ka paralajmëruar edhe kreu i grupit Parlamentar i PS, Taulant Balla, nëse edhe ky raund do të digjet, atëherë do të jetë maxhoranca që do të zgjedhë kreun e ri të shtetit.
Megjithëse java nisi me një pakt mes maxhorancë dhe opozitës që i jepte kësaj të fundit të drejtën që të propozojë kandidatë në raundin e dytë dhe të tretë, konsensusi zgjati më pak se 48 orë.
