Ishin të shumtë politikanët shqiptarë që u bënë bashkë gjatë vizitës së ish-sekretarit amerikan të shtetit Mike Pompeo në Tiranë. Takimet pasuan njëri - tjetrin në ish-Hotel Sheraton. Gazeta Panorama ka publikuar një foto të disa ministrave dhe deputetëve të PS-së të ulur në kafe.
Ata shoqërohen edhe nga ambasadorja amerikane në Shqipëri, Yuri Kim. Në kafe duken Mimi Kodheli, Belinda Balluku, Niko Peleshi, Blendi Klosi, Elisa Spiropali që kanë qëndruar për një kafe me Kim.
Ajo është kritikuar shpesh për njëanshmëri politike dhe për mbështetjen që ajo i ka dhënë partisë në pushtet. Megjithatë ajo e ka mohuar këtë duke u shprehur se “mbron interesat amerikane dhe përfaqëson në Tiranë, Presidentin e SHBA-ve”. ©LAPSI.al
