Një tjetër rast i dhunës në familje është shënuar në Elbasan. Autoritet policore njoftojnë kanë arrestur në flagrancë 39-vjeçarin Xh.Sh. pasi ka ushtruar dhunë ndaj bashkëshortes së tij. Kjo e fundit, e rënduar psikologjikisht, ka konsumuar ilaçe duke tentuar të marrë jetën e saj.
"Specialistët e Hetimit të Krimit të Komisariatit të Policisë Elbasan arrestuan në flagrancë shtetasin Xh. Sh., 39 vjeç, banues në lagjen “5 Maji” Elbasan, për veprat penale “Dhuna në familje” dhe “Shkaktimi i vetëvrasjes”, pasi ka ushtruar dhunë psikologjike ndaj bashkëshortes së tij, e cila për shkak të kësaj dhune ka konsumuar medikamente mjekësore, në sasi të mëdha. Aktualisht ndodhet në spital, jashtë rrezikut për jetën.", njofton policia.
