3 punonjës të policisë së Kavajës janë arrestuar pas vetëvrasjes në paraburgim të 31-vjeçarit Ilvi Meta. Në pranga kanë rënë Bexhet Berberi e Rushit Kola inspektorë dhe Petrit Brahimaj nënkomisar. Raportohet se Berberi dhe Kola kanë qenë policë roje te dhoma e paraburgimit.
I riu Ilvi Meta ka ndërruar jetë ditën e djeshme ndërsa policia e ka njoftuar si vetvrasje. Duke qenë se mënyra si kishte ndodhur një akt i tillë ishte e paqartë, grupi hetimor ka nisur veprimet e para për të zbuluar dinamikën e ngjarjes së rëndë. Përvec policëve do të merren edhe të afërmit e familjarët e viktimës, Ilvi Meta. Ndërkohë që trupit të tij është duke iu bërë ekspertiza mjekoligjore e cila do të nxjerrë edhe shkakun e vdekjes së Metës.
