Shoferi i linjës së "Unazës" që u aksidentua mbrëmjen e 29 prillit në Tiranë është proceduar penalisht. Pritet që akt-ekspertiza teknike të zbulojë dhe shkaqet si ndodhi aksidenti ku autobusi i Unazës u përplas me një makinë dhe përfundoi në Lanë.
"Specialistët e Qarkullimit Rrugor proceduan penalisht shtetasin M. K., 62 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar mjetin tip autobus, është përplasur me mjetin me drejtues shtetasin J. R., dhe si pasojë e aksidentit, dy mjetet kanë rënë në lumin Lana", njofton policia.
Dy pista hetimi janë deri tani: Humbja e kontrollit nga shoferi ose defekt teknik që mund të ketë ndodhur në autobusin urban.
